ԵՐԵՎԱՆ, 15 հունվարի — Sputnik. «Արմենիա» (Armenia Aircompany) ավիաընկերությունը փոփոխություններ է կատարել «Վորոնեժ-Երևան» RM748 և «Երևան-Վորոնեժ» RM747 չվերթերի ցուցակում, հայտնում է riavrn.ru-ն` հղում անելով Վորոնեժի միջազգային օդանավակայանի մամուլի ծառայությանը:
Նոր չվացուցակը գործում է 2017 թվականի հունվարի 13-ից և կգործի մինչև մարտի 17-ը:
Վորոնեժ-Երևան թռիչքն իրականացնող ինքնաթիռը կմեկնի ժամը 10:00-ին, վայրէջք կկատարի տեղի ժամանակով ժամը 13:10-ին: Երևան-Վորոնեժ թռիչքն իրականացնող օդանավը կմեկնի 7:50-ին, վայրէջք կկատարի 9:00-ին: Նախկինում չվերթերն իրականացվում էին գիշերը:
«Արմենիա» ավիաընկերությունը սկսել է Վորոնեժից Երևան ուղիղ չվերթեր իրականացնել 2016 թվականի դեկտեմբերի 16-ից: Boeing 737-500 ինքնաթիռը սպասարկում էր շաբաթը երկու անգամ:
