ԵՐԵՎԱՆ, 15 հունվարի — Sputnik. ՀՀ պաշտպանության նախարար Վիգեն Սարգսյանը նշեց, որ բանակի մատակարարումների մասով կան խնդիրներ։ Նրա խոսքով՝ վերջին ամիսներին կտրուկ նվազել են բանակի թերմատակարարումները, նվազել են նաև դրանց գները։
«Ամեն ինչ անելու ենք, որ գողանալը, բանակի հաշվին հարստանալը անհնար լինի»,- ասաց նա՝ խոստանալով պատժել այն գործարարներին ու չինովնիկներին, որոնք հարստացել են բանակի հաշվին։
«Ներդնելու ենք այնպիսի ընթացակարգեր, որ գողանալը դառնա անհնար»,- ասաց Վիգեն Սարգսյանը։
Նախարարը նաև հայտնեց, որ նախատեսվում է ՊԵԿ-ի Դիլիջանի ուսումնական կենտրոնի շքեղ շենքը հանձնել Մոնթե Մելքոնյանի անվան ռազմական վարժարանին։
Անդրադառնալով սահմանին տիրող ներկա իրավիճակին՝ Վիգեն Սարգսյանը հայտնեց, որ հայկական զինուժը վերահսկում է իրավիճակը, և ռեսուրսները բավարար են սահմանը խաղաղ պահելու համար։
