ԵՐԵՎԱՆ, 13 հունվարի – Sputnik. 2017թ-ի հունվարի 1-ից ՀՀ աշխատանքի և սոցիալական հարցերի նախարարության սոցիալական ապահովության պետական ծառայությունը սկսել է աշխատանքային գրքույկների թվայնացման գործընթացը:
Ծառայության պետի հրամանով, գործատուները սահմանված ժամկետում սոցիալական ապահովության պետական ծառայության տարածքային ստորաբաժանումներ պետք է ներկայացնեն իրենց վարձու աշխատողների աշխատանքային գրքույկները: Սոցապծառայությունն էլ դրանց տվյալները կներառի պետական կենսաթոշակային համակարգի էլեկտրոնային շտեմարանում:
Գործընթացի ավարտը նախանշված է 2019թ.-ի հունվարին:
2017թ-ի ապրիլից մեկնարկող թվայնացումը կսկսվի խոշոր կազմակերպություններից և կավարտվի 1-3 աշխատակից ունեցող ընկերություններով:
Այսպիսով, մեր կենցաղից կվերանա խորհրդային տարիներից դրա անբաժան բաղադրիչը դարձած ևս մեկ փաստաթուղթ:
