ԵՐԵՎԱՆ, 12 հունվարի — Sputnik. 36-ամյա բռնցքամարտիկ Արթուր Աբրահամը հանդիպել է Հռոմի սրբազան քահանայապետ Ֆրանցիսկոս պապի հետ: Հանդիպումը կայացել է Վատիկանում:
Արթուր Աբրահամը Հռոմի պապին է նվիրել իր ձեռնոցն ու ցույց տվել չեմպիոնական գոտին:
Գերմանական verdl.de կայքը հրապարակել է հանդիպման տեսանյութը։
«Ես Պապին ասացի, որ բռնցքամարտիկ եմ և հավատում եմ Աստծուն։ Հռոմի պապն ինձ հետագա հաջողություններ մաղթեց»,- ասել է Աբրահամը։
Հայ մարզիկը 2016- թվականին վեցերորդ անգամ Գերմանիայի լավագույն բռնցքամարտիկն է ճանաչվել։
