Վարդան Ոսկանյանի կարծիքով` այս ձևաչափի շրջանակում ենթադրվում է, որ Հայաստանը կմասնակցի թուրքմենական գազին առնչվող գործարքներին։
Թուրքմենստանը գազային հսկայական պաշարներ ունեցող երկրներից է, բայց խնդիրներ ունի իր գազը արևմուտք արտահանելու առումով։ Ըստ Ոսկանյանի` այս համատեքստում Հայաստան- Իրան- Թուրքմենստան ձևաչափի կազմավորումը կարող է լայն հնարավորություններ բացել բոլոր կողմերի համար տնտեսական շահավետ գործարքներ իրականացնելու համար։
«Եթե դիտարկելու լինենք նման ձևաչափի ստեղծման ոչ տնտեսական բաղադրիչը, այլ քաղաքական հետևանքները, ապա ակնհայտ է` Հայաստանը շահում է ոչ միայն տնտեսական առումով։ Մեր երկիրը ստանում է բոլորովին նոր նշանակություն` ռազմավարական առումով ամրապնդելով դիրքերն ու սեփական անվտանգությունը, մեծացնելով և աշխարհաքաղաքական դերակատարությունը»,- ասում է Ոսկանյանը։
