ԵՐԵՎԱՆ, 9 հունվարի — Sputnik. Դպրոցներում բավարար ջերմաստիճան ապահովելը ԿԳՆ ուշադրության կենտրոնում է: Հաշվի առնելով եղանակային ոչ բարենպաստ պայմանները` ՀՀ կրթության և գիտության նախարար Լևոն Մկրտչյանը հեռախոսազրույցներ է ունեցել հանրապետության բոլոր մարզպետների, Երևանի քաղաքապետի հետ: Այս մասին հայտնում է ՀՀ կրթության և գիտության նախարարությունը:
Մարզպետներին և Երևանի քաղաքապետին առաջարկվել է ուսումնական որոշ հաստատություններում և հատկապես գյուղական համայնքներում, որտեղ դասասենյակներում ապահովված չէ համապատասխան ջերմաստիճան, ըստ անհրաժեշտության, դասերը սկսել առավոտյան ժամը 10.00-ից` 30 րոպե տևողությամբ դասաժամերով:
Նախարարությունը չի բացառում, որ անհրաժեշտության դեպքում կձեռնարկվեն նաև լրացուցիչ քայլեր:
