ԵՐԵՎԱՆ, 8 հունվարի — Sputnik. Թուրքիայի ոստիկանությանը հաջողվել է իդենտիֆիկացնել հանցագործին, ում կասկածում են Ստամբուլի Reina գիշերային ակումբում հունվարի 1-ին ահաբեկչական գործողություն կատարելու մեջ, հաղորդում է Daily Sabah-ը:
Հրատարակության տվյալներով՝ հարձակումը կատարել է Ուզբեկստանի բնակիչ Աբդուլգադիր Մաշարիպովը, որը հայտնի է Աբու Մուհամեդ Խորասան ծածկանունով:
Իրավապահ մարմինները շարունակում են իրականացնել ահաբեկչական գործողության հանգամանքների բացահայտմանը ուղղված միջոցառումներ, ինչպես նաև մանրամասն ուսումնասիրում են կասկածյալի անցյալը:
Հունվարի 1-ին՝ տեղական ժամանակով 01.15-ին, Սանտա Կլաուսի հագուստով զինված տղամարդը ներխուժել է Ստամբուլի Reina գիշերային ակումբ, որտեղ հարյուրավոր մարդիկ տոնում էին Նոր տարին: Կրակոցների արդյունքում զոհվել է 39 մարդ, վիրավորվել է՝ 69-ը: Ահաբեկչության պատասխանատվությունը ստանձնել է «Իսլամական պետություն» ահաբեկչական խմբավորումը:
Նյութի ռուսերեն տարբերակը
