ԵՐԵՎԱՆ, 6 հունվարի — Sputnik. «Մանչեսթեր Յունայթեդ» անգլիական ակումբի պաշտոնական կայքում հրապարակվել են թիմի երկրպագուների քվեարկության արդյունքները: Նրանց առաջարկվել էր ընտրել դեկտեմբերի լավագույն խաղացողին: Քվեարկությանը մասնակցել է 146 հազար երկրպագու:
Թիմի երկրպագուների 38 տոկոսը քվեարկել է շվեդ հարձակվող Զլատան Իբրահիմովիչի օգտին: Հայաստանի հավաքականի կիսապաշտպան Հենրիխ Մխիթարյանը զիջել է նրան երկու տոկոսով՝ հավաքելով 36 տոկոս:
Հայ ֆուտբոլիստը 10 տոկոսով առաջ է անցել ֆրանսիացի Պոլ Պոգբայից (26 տոկոս), որը, ինչպես խոստովանել է մանկունիանցիների գլխավոր մարզիչը, աշխարհի լավագույն կիսապաշտպանն է:
Միաժամանակ, «Միկին» պատրաստվում է նոր ֆուտբոլային հանդիպումների:
Մխիթարյանը նոր տարում առաջին մարզումն է անցկացրել «Մանչեսթեր Յունայթեդի» կազմում՝ Facebook-ում իր էջում տեղադրելով «Նոր տարի, նոր գոլեր» գրությամբ լուսանկար:
Նյութի ռուսերեն տարբերակը
