ԵՐԵՎԱՆ, 6 հունվարի — Sputnik. Հունվարի 7-11-ը սպասվում է առանց տեղումների եղանակ: Միայն Արարատյան դաշտում, Արագածոտնի և Վայոց ձորի նախալեռներում սպասվում է ամպամածություն, առանձին հատվածներում մառախուղ և թույլ ձյուն: Այս մասին տեղեկացնում է ՀՀ ԱԻՆ լրատվական ծառայությունը:
Քամին կլինի արևմտյան՝ 3-8 մ/վրկ արագությամբ: Օդի ջերմաստիճանն էապես չի փոխվի:
Հունվարի 7-11-ը Երևանում սպասվում է ամպամածություն, առանձին հատվածներում՝ մառախուղ և թույլ ձյուն:
«Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանն էլ ֆեյսբուքյան իր էջում գրել է.
«Հարավարևմտյան տաք օդի հոսանքը կարծես թե ուզում է քանդել Արարատյան դաշտում լճացած սառը օդի շերտը, տեսնենք՝ ուժը կպատի՞»:
