ԵՐԵՎԱՆ, 6 հունվարի — Sputnik. Ուրբաթ, ժամը 6:30-ին (9:30՝ տեղական ժամանակով) երկրաշարժ է գրանցվել Չիլիի և Բոլիվիայի սահմանին: Այս մասին հաղորդում է ՌԻԱ Նովստին՝ հղում տալով ԱՄՆ-ի Երկրաբանական ծառայությանը:
5,7 մագնիտուտով երկրաշարժը գրանցվել է չիլիական Սան-Պետդրո-դե-Աքատամա քաղաքի մոտակայքում: Երկրաշարժի ալիքը գտնվել է 142 կմ խորության վրա:
Զոհերի և ավերածությունների մասին դեռևս տեղեկություններ չեն հաղորդվել:
