ԵՐԵՎԱՆ, 5 դեկտեմբերի — Sputnik. Կիլիկիայի կաթողիկոսարանի մամուլի ծառայությունը հայտնում է, որ ավելի քան մեկ ժամ տևած հանդիպման ընթացքում Սիրիայի նախագահը մանրամասն տեղեկություններ է հաղորդել Արամ Ա-ն երկրի ներքին քաղաքական, անվտանգության իրավիճակի, ինչպես նաև վերջին շրջանում տեղի ունեցած իրադարձությունների մասին:
Վեհափառ հայրապետը ողջունել է Հալեպում խաղաղության վերահաստատումը և մաղթել, որ ամենամոտ ապագայում խաղաղություն և համերաշխություն հաստատվի ամբողջ Սիրիայի տարածքում:
Նորին Սրբությունն անդրադարձել է Թուրքիայի ժխտողական և քայքայիչ դերակատարմանը տարածաշրջանում և հատկապես Սիրիայի տարածքում:
Արամ Ա-ն նաև հույս է հայտնել, որ երկրի ներսում շուտով վերականգնման գործընթաց կսկսվի բոլոր համայնքների, այդ թվում քրիստոնյա համայնքի և մասնավորապես հայերի մասնակցությամբ։
Նյութի ռուսերեն տարբերակը
