ԵՐԵՎԱՆ, 4 հունվարի — Sputnik. Մեծի Տանն Կիլիկիո կաթողիկոսությունից հայտնում են, որ Արամ Ա.-ն Սուրբ Աստվածածին եկեղեցում կհանդիպի Հալեպի հայ համայնքի հետ:
Վեհափառ Հայրապետը նույն եկեղեցում հունվարի 6-ին Սուրբ պատարագ է մատուցելու։
Հունվարի 7-ին Արամ Ա-ն կայցելի հայ համայքի հասարակական կառույցներ ու եկեղեցիներ՝ տեղում ծանոթանալու իրավիճակին։ Օրվա երկրորդ կեսին նա կլինի Սուրբ Երրորդություն հայկական կաթոլիկ եկեղեցում, ապա նաև Հայ Ավետարանական Բեթել եկեղեցում։
