ԵՐԵՎԱՆ, 4 հունվարի — Sputnik. Տոնական օրերին «Շտապբուժօգնություն» ծառայությունում գրանցվել է շուրջ 120 կանչ: Այս մասին Sputnik Արմենիային հայտնեց ծառայության տնօրեն Թագուհի Ստեփանյանը:
Ահազանգերը հիմնականում վերաբերել են սննդային և ալկոհոլային թունավորման, սիրտ-անոթային խնդիրներին և զարկերակային ճնշման դեպքերին:
Ի տարբերություն նախորդ տարվա, այս տարի կոտրվածքների դեպքեր չեն գրանցվել, իսկ շնչառական հիվանդությունների դեպքերով կանչերը զգալիորեն նվազել են:
Ցավոք, տոն օրերին «Շտապբուժօգնություն» ծառայությունը նաև մահվան 3 դեպք է գրանցել. մահացողները 75, 65 և 45 տարեկան տղամարդիկ են:
