Ամեն տարի Ծաղկաձոր են ժամանում ոչ միայն հայերը, այլև` տարբեր ազգերի ներկայացուցիչները։ Թեղենիս լեռը թույլ է տալիս զբաղվել լեռնադահուկային սպորտով։ Դեկտեմբերից մարտն ընկած ժամանակահատվածում լեռնադահուկային սպորտն արդիական է Ծաղկաձորում։
Այստեղ կան մարզուղիներ արհեստավարժ ու սկսնակ դահուկորդների համար։ Դահուկավազքի ամենաբարձր կետը 2819 մ բարձրության վրա է։ Այնտեղից սքանչելի տեսարան է բացվում դեպի Սևանա լիճ ու Արարատ։
Sputnik Արմենիան զրուցեց հայերի ու արտասահմանցիների հետ։ Նրանք պատմեցին իրենց տպավորությունների և Թեղենիսով սահելու ընթացքում ստացած ադրենալինի չափաբաժնի մասին։
Ի դեպ, մեր այցելության ժամանակ հայերը քիչ էին։ Մեր զրուցակիցները որպես հիմնական պատճառաբանություն նշեցին ծառայությունների բարձր գները։
