ԵՐԵՎԱՆ, 3 հունվարի — Sputnik. Ահաբեկչություն իրականացրած անձի որոնողական գործողությունները անցկացվում էին Զեյթինբուռնու թաղամասում, հայտնում է ՌԻԱ Նովոստին:
Գործողություններն արդյունք չտվեցին: Ենթադրվում է, որ կասկածյալը Ուզբեկստանի կամ Ղրղըզստանի քաղաքացի է:
Հունվարի 1-ին՝ տեղական ժամանակով 01.15-ին, Սանտա Կլաուսի հագուստով զինված տղամարդը ներխուժել է Ստամբուլի Reina գիշերային ակումբ, որտեղ հարյուրավոր մարդիկ տոնում էին Նոր տարին: Զոհվել է 39 մարդ, վիրավոր է՝ 69-ը:
Ոստիկանությունը հայտնաբերել է այն տաքսին, որով ահաբեկիչը ժամանել է դեպքի վայր, և հարցաքննում է վարորդին: Ահաբեկիչը մտել է Ստամբուլում ամենահայտնի երիտասարդական Reina ակումբ: Ըստ վկաների՝ հարձակվողը մտել է շենք, կրակ բացել այցելուների, այդ թվում՝ անվտանգության աշխատակիցների ուղղությամբ: Ակումբում եղել է 700 մարդ:
Անկանոն կրակոցներից հետո, որը շարունակվել է մոտ 7 րոպե, հանցագործը հանել է Սանտա Կլաուսի հագուստն ու հեռացել դեպքի վայրից:
Ահաբեկչության պատասխանատվությունը ստանձնել է «Իսլամական պետություն» ահաբեկչական խմբավորումը: Ոստիկնաությունը շարունակում է ահաբեկչի ինքնությունը պարզելու աշխատանքները:
