ԵՐԵՎԱՆ, 3 հունվարի — Sputnik. Ամեն տարի Իրանի հայերն ավելի մեծ ոգևորվածությամբ են նշում Սուրբ ծնունդը, քան իրանցիները Նովրուզը, գրում է իրանական IRNA գործակալությունը: Տոնական մթնոլորտը տարածվում է Թեհրանի հայկական թաղամասի սահմաններից դուրս, իսկ ուրախությունը բոլորի սրտում է:
«Իրանական մշակույթն ուղղակի ներառել է իր մեջ Սուրբ ծնունդի տոնը, և այն հիմա պատկանում է բոլոր իրանցիներին»,- ասում է իրանահայերի «Ալիք» թերթի լրագրող Ադիս Իսագուլյանը և հավելում, որ թերթը հազարավոր շնորհավորանքներ է ստանում իրանցի ընկերներից և ուղղակի ծանոթներից:
![Թեհրանի Սուրբ Սարգիս եկեղեցի Թեհրանի Սուրբ Սարգիս եկեղեցի - Sputnik Արմենիա](https://cdn.am.sputniknews.ru/img/598/88/5988860_0:44:700:484_600x0_80_0_0_1303a69ad8a94a0d709c803a6e5435ea.jpg)
![Իրանի հայերը տոնում են Նոր Տարին և Սուրբ ծնունդը Իրանի հայերը տոնում են Նոր Տարին և Սուրբ ծնունդը - Sputnik Արմենիա](https://cdn.am.sputniknews.ru/img/598/88/5988802_0:0:699:440_600x0_80_0_0_ae1d2289fe112e5bc314b72dccf2e4b8.jpg)
![Իրանի հայերը տոնում են Սուրբ ծնունդը Իրանի հայերը տոնում են Սուրբ ծնունդը - Sputnik Արմենիա](https://cdn.am.sputniknews.ru/img/598/85/5988521_0:0:699:440_600x0_80_0_0_8eb0bf24c32950d40196b41ed076b7da.jpg)
![Իրանի հայերը տոնում են Նոր Տարին և Սուրբ ծնունդը Իրանի հայերը տոնում են Նոր Տարին և Սուրբ ծնունդը - Sputnik Արմենիա](https://cdn.am.sputniknews.ru/img/598/80/5988002_0:44:700:484_600x0_80_0_0_dedffdfa07da1323ff7681371c381c9f.jpg)
«Մենք՝ հայերս, այստեղ ապրում ենք ավելի քան հազար տարի և ազատ տոնում ենք Սուրբ ծնունդը, իսկ իրանական ընտանիքները հաճույքով մասնակցում են բոլոր տոնակատարություններին: Իրանում մյուս ազգերի մշակույթները չեն ճնշվում, հենց այդ պատճառով տարբեր էթնիկական խմբերի ներկայացուցիչներն այստեղ խաղաղ գոյակցում են կողք կողքի», — ասել է նա IRNA-ի հետ զրույցում:
Բոլոր քրիստոնեական թաղամասերում զարդարվում են տոնածառեր, իսկ Սանտա Կլաուսը հանգիստ շրջում է և շնորհավորում բոլորին Սուրբ ծնունդի կապակցությամբ:
Նյութի ռուսերեն տարբերակը