Լաուրա Սարգսյան, Sputnik.
2017թ-ի թրենդային բույրերն են խիտ, արևելյան ու «փայտային» երանգներով օծանելիքները։ Կրկին նորաձև են վաղուց մոռացված բույրերը` Dior Addict, Angel, Thierry Mugler, ինչպես նաև` Narciso Rodriguez-ի նոր բույրը։ Այս օծանելիքները կարելի է գտնել եվրոպական խանութներում և դյութի-ֆրիում, ինչպես նաև` Երևանի օծանելիքի խանութներում։
«2016թ-ի վերջից շատ տարածված են Արևելքի բույրերը, որոնք դուրս են մղել ցիտրուսային բույրերը, նորաձև է նաև վանիլի նոտաների առատ համադրությունը», — Sputnik Արմենիայի թղթակցի հետ զրույցում ասաց օծանելիքի խանութներից մեկի աշխատակից Մերին։
Արևելքի բույրերով օծանելիքը նուրբ է, բայց 2017թ-ի հիթերի շարքում միակը չէ։ Այս տարի խիտ փայտային բույրերը համադրվում են մուշկի, մայրու, սանդալի երանգների հետ` դուրս մղելով դեղձի, վանիլի և ցիտրուսային բույրերը։
2017թ-ի թեթև ամառային կոմպոզիցիաներում կգերիշխեն կայուն փայտը և մուշկը։
Ձմեռ-ամառ սեզոնի հիթ կդառնան կաշվի հոտով, «ալդեհիդային նոտաներով» բույրերը։ Օծանելիքի պատմության մեջ ալդեհիդների հիման վրա պատրաստված առաջին «սինթետիկ բույրը» Էռնեստ Բոյի ստեղծած լեգենդար Chanel #5-ն է, որը 40 անց կանանց սիրելի բույրն է։
Այս տարի տարածված են նաև ջերմ ու նուրբ բույրերը, որոնք իրենց մեջ կտրուկ փայտային նոտաներ են պարունակում։ Շոկոլադը, պրալինեն, վանիլը համադրվում են դարչինի, թանկարժեք ծխախոտի, փայտի բույրերի հետ։
«Վերջին տարիների ամենատարածված օծանելիքների շարքն է դասվում Rodriguez-ը` մուշի նուրբ բույրով։ Տղամարդիկ շարունակում են գնել «Hermes» և «Trussardi»», — ասաց Մերին։
Նրա խոսքով` նորաձևության սիրահարները 2017թ-ին կարող են դարակներից հանել մոռացված բույրերը, որոնք հիշեցնում են 2017-ի հիթերը։ Դա Dior Addict թեթև բույրն է, Angel, Thierry Mugler սիրելի կոմպոզիցիան, որում համադրվում են պաչուլիի, ամբրայի, մուշկի և վանիլի բույրերը։
2017թ-ի նորաձև բույրերի ցանկում են նաև անցնող տարվա ռեկորդակիր Givenchy — Gaiac Mystique-ը, որը նույնպես պարունակում է փայտի նոտաներ։ Մուսկատային-ծաղկային բուրմունքների շարքում նորաձև է այս ամառվա Intense Roses Musk Montale-ից օծանելիքը։
2016թ-ի ամենավաճառված օծանելիքների ցուցակում է նաև Salvatore Ferragamo Signorina Misteriosa-ն, որում առկա են Արևելքի բույրերը։ Փորձագետները կանխատեսում են, որ այն տարածված կլինի նաև 2017թ-ին։ 2017թ-ի թրենդային օծանելիքների շարքում է Le Parfum — Elie Saab Le Parfum Rose Couture-ը, որի ստեղծողը Ֆրանսիս Քուրքջյանն է։
Հայաստանյան խանութները հետևում են նորաձևությանը և նոր օծանելիքներ ներկրում երկիր, քանի որ շատերի համար օծանելիքը կյանքի անբաժանելի մասնիկն է։
Մեր երկրի համար ամենաթրենդային օծանելիքները վաղուց ծանոթ բույրերն են կամ հին բույրերի նոր տարբերակները։ Այդ միտումը հատուկ է բոլոր մարդկանց, քանի որ բույրերը բազմազան են, բայց յուրաքանչյուրի համար նորաձև է այն բույրը, որը դուր է գալիս հենց իրեն։
Նյութի ռուսերեն տարբերակը
