ԵՐԵՎԱՆ, 30 դեկտեմբերի — Sputnik. ՀՀ ԶՈւ-ի ԳՇ պետի տեղակալ, գեներալ-լեյտենանտ Էնրիկո Ապրիամովը, ով երեկ վթարի էր ենթարկվել, ուսի շրջանում վիրահատության է ենթարկվել: Նրա գիտակցությունը տեղն է, վիճակը գնահատվում է միջին ծանրության:
Այս մասին Sputnik Արմենիային հայտնեցին «Մուրացան» զինվորական հոսպիտալից: Այս պահին Ապրիամովը գտնվում է վերակենդանացման բաժանմունքում, բժիշկների հսկողության տակ:
Հիշեցնենք, Էնրիկո Ապրիամովը երեկ առավոտյան իր ծառայողական ավտոմեքենայով վթարի էր ենթարկվել Երևան-Արտաշատ ավտոճանապարհին: Վթարի հետևանքով մարմնական վնասվածքներ էր ստացել նաև ավտոմեքենայի վարորդը։
