ԵՐԵՎԱՆ, 29 դեկտեմբերի — Sputnik. Վրաստանն ու «Գազպրոմը» չեն կարողացել պայմանավորվել գազը նոր պայմաններով Հայաստան տարանցելու հարցի շուրջ։ Այս մասին հայտնում է Sputnik Գրուզիա գործակալությունը։
Վրացական կողմի, ռուսական «Գազպրոմ էքսպորտ» ու «Ինտեր ՌԱՕ» ընկերությունների բանակցությունների հերթական փուլը կայացել է դեկտեմբերի 23-24-ին Մինսկում։ Կողմերի միջև պայմանագիրը թարմացվում է ամեն տարի։ Այդ համաձայնագրի գործողության ժամկետը սպառվում է դեկտեմբերի 31-ին։ Նոր համաձայնագրով կորոշվի` վրացական կողմը կարող է գազի լրացուցիչ ծավալներ ստանալ, թե ոչ։
«Վրացական կողմն ու «Գազպրոմն» առայժմ վերջնական համաձայնության չեն եկել Վրաստանի տարածքով Հայաստան առաքվող ռուսական գազի վերաբերյալ, և բանակցությունները կշարունակվեն», — հաղորդում է գործակալությունը` հղում անելով Կալաձեին։
Ինչպես նշել է Կալաձեն, Վրաստանի դիրքորոշման համաձայն` գազի տարանցման համար ֆինանսական վճարի անցնելու դեպքում Վրաստանը պետք է համարժեք օգուտ ստանա։
Վրաստանը Հայաստան առաքվող ռուսական գազի ծավալի 10 տոկոսը ստանում է որպես տարանցման վճար։
Նյութի ռուսերեն տարբերակը
