ԵՐԵՎԱՆ, 26 դեկտեմբերի — Sputnik. Ռազմատրանսպորտային ավիացիայի Իլ-76 ինքնաթիռն ավիավթարի վայրում հայտնաբերված 10 մարմնով և մարմնի 86 մասով թռել է Մոսկվա, հաղորդում է ՌԴ Պն մամուլի ծառայությունը։
«Մոսկվայում տեղի կունենա մարմինների ճանաչում և Դատաբժշկական փորձաքննության բյուրոյի և ՌԴ ՊՆ Դատա-բժշկական փորձաքննության կենտրոնի մասնագետների կողմից գենետիկ փորձաքննություն»,- ասվում է հաղորդագրությունում։ Մահացածների հարազատներից սկսել են կենսաբանական նյութեր վերցնել` ԴՆԹ հետազոտություն անցկացնելու համար։
Պաշտպանության նախարարությունից նաև հաղորդել են, որ զինվորականներին հաջողվել է ավելի ստույգ որոշել Տու-154-ի ընկնելու շրջանը, բայց որոնողական գործողությունը բարդանում է հատակի ռելիեֆի պատճառով։
Վթարի գոտում աշխատում է ավելի քան 3,5 հազար մարդ, գործողությանը միացել է Սևծովյան նավատորմի 7 նավ` հատուկ սարքավորումներով։
Ռուսաստանի ՊՆ Տու-154 ինքնաթիռը դեկտեմբերի 25-ի առավոտյան Ադլերի օդանավակայանից պետք է թռչեր Սիրիա։ Թռիչքից երկու րոպե անց օդանավն անհետացել է ռադարների էկրաններից։ Ավելի ուշ նրա բեկորները գտել են Սոև ծովում` ափից 1,5 կմ հեռավորության վրա։
Նյութի ռուսերեն տարբերակը
