Վրեժ Գաբրիելյան
ՀՀ ԱԻՆ փրկարար ծառայության տնօրենի տեղակալ, փրկարար ծառայության գեներալ-մայոր Վրեժ Գաբրիելյանը Sputnik Արմենիայի եթերում մանրամասն խոսում է փրկարարների առաջիկա անելիքների մասին։
Այսօր արդեն մարզերում տեղադրված ժամանակավոր հենակետերը կսկսեն իրենց աշխատանքը: Այդ շարժական հենակետերում փրկարարները շուրջօրյա ծառայություն են իրականացնում, ձյան մեջ արգելափակված քաղաքացիներին հրատապ օգնություն ցուցաբերում՝ տրամադրելով տաք սնունդ և առաջին բուժօգնություն:
Թեև փրկարարները պատրաստ են բնության տոնական ու հետտոնական անակնկալներին, այնուամենայնիվ` Վրեժ Գաբրիելյանը հորդորում է խուսափել անկարևոր ճանապարհորդություններից, եթե խուսափել հնարավոր չէ, ապա ծայրաստիճան զգուշություն ու զգուշավորություն պահպանել։
