ԵՐԵՎԱՆ, 26 դեկտեմբերի — Sputnik. Ռուսաստանի նախագահի մամուլի քարտուղար Դմիտրի Պեսկովը լրագրողներին հայտնել է, որ ՀԱՊԿ անդամ երկրների առաջնորդները կքննարկեն կազմակերպության նոր գլխավոր քարտուղարի թեկնածությունը` ՀԱՊԿ նստաշրջանի ընթացքում, Սանկտ-Պետերբուրգում։
Պատասխանել է այն հարցին, թե արդյո՞ք օրակարգում դրվել է ՀԱՊԿ գլխավոր քարտուղարի փոփոխման հարցը, և կան արդյո՞ք այդ պաշտոնին հավակնորդներ, Պեսկովն ասել է. «Այդ հարցի քննարկումը կշարունակվի, կան տարբեր թեկնածուներ, նախագահները կքննարկեն»։ Նա հայտնեց, որ մամուլին կտեղեկացնեն նստաշրջանի արդյունքները։
Հայաստանի նախագահը նույնպես մեկնել է Սանկտ Պետերբուրգ` մասնակցելու Բարձրագույն Եվրասիական տնտեսական խորհրդի նիստին և ՀԱՊԿ հավաքական անվտանգության նստաշրջանին։
ՀԱՊԿ-ն ստեղծվել է 2002թ.-ին. այժմ կազմակերպության կազմում վեց պետություն է ընդգրկված`Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։ ՀՀ-ն ՀԱՊԿ-ի պայմանագիրը ստորագրել է 1992 թվականի մայիսի 15-ին։ Հայաստանը ՀԱՊԿ-ում նախագահում է 2015 թվականի սեպտեմբերից։
Նյութի ռուսերեն տարբերակը
