ԵՐԵՎԱՆ, 26 դեկտեմբերի — Sputnik. ԵՏՄ մաքսային օրենսգրքի ընդունումը կնպաստի ինտեգրմանը և մաքսային ընթացակարգն ու ապրանքների տեղաշարժը թափանցիկ կդարձնի։ Այս մասին հայտնել է հանրապետության նախագահ Սերժ Սարգսյանը Եվրասիական տնտեսական բարձրագույն խորհրդի նիստին։
Նա համոզված է, որ առանց արդյունավետ համագործակցության հաստատման ԵՏՄ-ի միջազգային դիրքավորումը կբարդանա։ «Այդ համատեքստում, մեր հետագա ինտեգրման ճանապարհին, մաքսային օրենսգրքի ընդունումը լուրջ քայլ է, քանի որ այն եզրագծում է անցումը միասնական մաքսային կարգավորման ամբողջ տնտեսական միության տարածքում։ Կարևոր է, որ նոր օրենսգրքով սահմանված են, առաջատար, միջազգային չափորոշիչների համապատասխանող մոտեցումներ», — ասել է Սարգսյանը։
Նա նշել է, որ այս մոտեցումների կիրառումը կհեշտացնի ԵՏՄ-ի սահմանն ապրանքների անցման ընթացակարգն, այն թափանցիկ կդարձնի, այդ թվում նաև` էլեկտրոնային հայտարարագրման համակարգի ներդրման միջոցով։
Հայաստանի, Բելառուսի, Ղազախստանի, Ղրղըզստանի և Ռուսաստանի առաջնորդները մասնակցում են Սանկտ Պետերբուրգում անցկացվող ՀԱՊԿ հավաքական անվտանգության խորհրդի և եվրասիական տնտեսական բարձրագույն խորհրդի նիստին։
Նյութի ռուսերեն տարբերակը
