ԵՐԵՎԱՆ, 25 դեկտեմբերի — Sputnik. Տու-154 ինքնաթիռի վթարի ժամանակ մահացած անձանց ազգականները սկսել են Մոսկվայից ժամանել Սոչի, հաղորդում է «Ռոսիա 24» հեռուստաալիքը:
Ադլերի օդանավակայանում նրանց դիմավորում են ԱԻՆ հոգեբանները և քաղաքային իշխանությունների ներկայացուցիչները: Ստեղծվել է հարազատներին ընդունելու և տեղավորելու օպերատիվ շտաբ: Նրանց կտեղավորեն «Ավրորա» առողջարանում, այնտեղ նախապատրաստվել են սենյակներ և հերթապահում են արտակարգ բժշկական օգնության ջոկատներն ու հոգեբանները:
Սոչիում է գտնվում նաև տրանսպորտի նախարար Մաքսիմ Սոկոլովը, որը գլխավորել է ավիավթարի հետաքննության հարցերով պետական հանձնաժողովը: Նա հաղորդել է, որ փրկվածների մասին տեղեկություններ չկան:
Ռուսաստանի նախագահ Վլադիմիր Պուտինը ցավակցություն է հայտնել Տու-154-ի վթարի ժամանակ զոհված մարդկանց հարազատներին և դեկտեմբերի 26-ը հռչակել համազգային սգո օր:
Նյութի ռուսերեն տարբերակը
