Տիգրան Բալայան
Սոչիում թռիչքից հետո վթարի ենթարկված ՌԴ պաշտպանության նախարարությանը պատկանող ռուսական Տու-154 ինքնաթիռում եղած երկու հայը, նախնական տվյալներով, Ռուսաստանի քաղաքացիներ էին։ Այդ մասին Sputnik Արմենիային տեղեկացրել է արտաքին գործերի նախարարի մամուլի քարտուղար Տիգրան Բալայանը։
Նա նշել է, որ մեր հյուպատոսներն աշխատում են ՌԴ իշխանության հետ, ճշտվում է զոհված հայերի ինքնությունը։
Փրկարարներն այսօր Սև ծովի ափից 1,5 մետր հեռավորության վրա գտել են կործանված Տու-154 ինքնաթիռի բեկորները: Ինքնաթիռում եղել է ավելի քան 80 ուղևոր, այդ թվում՝ Ալեքսանդրովի անվան համույթի արտիստները և ԶԼՄ-ների ներկայացուցիչներ, անձնակազմի 8 անդամ:
