ԵՐԵՎԱՆ, 25 դեկտեմբերի — Sputnik. Հնչյունային օպերատոր Եվգենի Տոլստովը Facebook սոցիալական ցանցում հրապարակել է թռիչքից մի քանի րոպե հետո վթարի ենթարկված ինքնաթիռի լուսանկարը:
Մտերիմները և հարազատները, ինչպես նաև անծանոթ մարդիկ ցավակցության խոսքեր են գրում: Տոլստովը 45 տարեկան էր, նա մեկնում էր Սիրիա երկու գործընկերների՝ թղթակից Միխայիլ Լուժեցկու և օպերատոր Օլեգ Պեստովի հետ:
ՌԴ պաշտպանության նախարարության ինքնաթիռը վթարի է ենթարկվել դեկտեմբերի 25-ի առավոտյան: Դեպքի վայրում աշխատում են իրավապահ մարմիններ, մասնագետները շարունակում են որոնողական աշխատանքները Սև ծովում:
Մահացածների ցուցակում կա ԶԼՄ-ների 9 ներկայացուցիչ Առաջին ալիքից, ՆՏՎ-ից և «Զվեզդա» հեռուստաալիքից: Կործանված ինքնաթիռում գտնվել է 92 մարդ, ներառյալ Ռուսաստանի երեք դաշնային հեռուստաալիքների ներկայացուցիչը: Նրանց թվում է եղել ՆՏՎ-ի աշխատակից Եվգենի Տոլստովը:
Նյութի ռուսերեն տարբերակը
