ԵՐԵՎԱՆ, 23 դեկտեմբերի — Sputnik. Ռուսաստանի մայրաքաղաքի հարավարևելյան հատվածում գտնվող առևտրի կենտրոնում Չինաստանի քաղաքացու դի է հայտնաբերվել, հայտնում է ՌԻԱ Նովոստին` հղում անելով իրավապահ մարմինների աղբյուրին:
«Հինգշաբթի երեկոյան «Մոսկվա» առևտրի կենտրոնում հայտնաբերվել է օտարերկրացու մարմին, ենթադրվում է, որ նա Չինաստանի քաղաքացի է», — ասել է աղբյուրը:
Նրա տվյալների համաձայն` անհայտ անձինք` սև կարճ բաճկոններով, սև անդրավարտիքով և բանակային կոշիկներով, մահացու ծեծի են ենթարկել տղամարդուն:
Ավելի ուշ դիվանագիտական առաքելության մամուլի քարտուղարը հայտնել է, որ ՉԺՀ դեսպանատունը հաստատում է Չինաստանի քաղաքացու սպանությունը և արդեն կապ է հաստատել նրա բարեկամների հետ դին հայրենիք ուղարկելու համար:
Քննիչները պարզել են, որ սպանվածը վարձակալած տարածք ուներ առևտրի կենտրոնում։ Համալիր միջոցառումներ են անցկացվում միջադեպի հանգամանքները պարզելու համար:
