ԵՐԵՎԱՆ, 23 դեկտեմբերի — Sputnik. Corriere della Sera պարբերականը Թվիթերում հրապարակել է 24-ամյա թունիսցի Անիս Ամրիի չեզոքացման կադրերը։ Նշենք, որ տղամարդուն կասկածում էին Բեռլինում Ծննդյան տոների տոնավաճառում ահաբեկչություն իրականացնելու մեջ։
ԶԼՄ-ների տվյալով` թունիսցին կրակել է Միլանի ոստիկանների ուղղությամբ, երբ նրանից փաստաթղթեր են պահանջել։ Ամրիի արձակած կրակոցից ոստիկաններից մեկը վիրավորվել է, ինչից հետո նրան սպանել են պատասխան կրակոցով։
++Il portavoce del ministro degli Esteri tedesco: «Molto grati alle autorità italiane per la stretta collaborazione» https://t.co/78h9ibe0A4
— Corriere della Sera (@Corriere) 23 декабря 2016 г.
Հիշեցնենք, որ երկուշաբթի երեկոյան Բեռլինում Ծննդյան տոների կապակցությամբ կազմակերպված տոնավաճառի ամենաթեժ պահին բեռնատարը մխրճվել էր բազմության մեջ։Ահաբեկչության հետևանքով մահացել է 12 մարդ, տարբեր աստիճանի վնասվածքներ ստացել` 48 հոգի։
Ահաբեկչության մեջ կասկածվող Անիս Ամրիի նկատմամբ պաշտոնական հետախուզում էր հայտարարվել Գերմանիայում և եվրոպական մյուս քաղաքներում։ Իրավապահ մարմինների տվյալով` Ամրին կապ է ունեցել արմատական իսլամիստների հետ։
Muore a Sesto San Giovanni l’attentatore di Berlino La conferenza di Minniti Live https://t.co/U3lBmTY0I6 pic.twitter.com/7LQnLme80k
— Corriere della Sera (@Corriere) 23 декабря 2016 г.
