Բագրատ Եսայանը «Կայուն դպրոցական սնունդ» ծրագրի վերաբերյալ մանրամասներ է ներկայացնում Sputnik Արմենիա ռադիոկայանի եթերում։
ՀՀ կառավարությունը դպրոցական սննդի ծրագիրը 2010-2014 թվականներին իրականացրել է Պարենի համաշխարհային կազմակերպության միջոցով, իսկ 2014 թվականից հետո երեք մարզ ընդգրկվել է կառավարության ազգային ծրագրում, 2017-ին ևս մեկ մարզ կմիանա այդ ծրագրին։
Նրա խոսքով` չորս մարզերը կլինեն կառավարության հոգածության ներքո, իսկ մյուս վեցը կմնան որպես Պարենի համաշխարհային կազմակերպության ուղղություն։
«Ազգային ծրագիրն իրականացվում է մոտավորապես 265 դպրոցում։ 3 մարզում արդեն տեղադրվել են խոհանոցային սարքավորումներ, բոլոր պայմանները կան տաք սնունդ ապահովելու համար»,- ասաց Եսայանը։
Ըստ նրա` կառավարության համար սկզբունքային է, որ դպրոցում երեխաները տաք սնունդ ստանալու հնարավորություն ունենան։
«Մենք որպես պետություն պետք է վստահ լինենք, որ երեխան առնվազն մեկ անգամ տաք սնունդ է ստացել»,- ասաց Բագրատ Եսայանը։
