ԵՐԵՎԱՆ, 22 դեկտեմբերի — Sputnik. Գործադիրը հավանություն է տվել «Երևան քաղաքում տեղական ինքնակառավարման մասին» ՀՀ օրենքում լրացումներ և փոփոխություններ կատարելու մասին» օրինագծին, որով կապահովվի Սահմանադրությամբ ամրագրված մի շարք իրավակարգավորող փոփոխությունների կատարումը:
ՀՀ տարածքային կառավարման և զարգացման նախարար Դավիթ Լոքյանը նշել է, որ կառավարության կողմից Երևանի քաղաքապետին պաշտոնանկ անելու իրավունքը դադարեցվելու է:
Նախագծով առաջարկվում է նաև Երևան համայնքի կարգավիճակի խմբագրում՝ Սահմանադրության համապատասխան, ավագանու պաշտոնավարման ժամկետի փոփոխություն՝ 5 տարի, ավագանու անդամի հրաժարական տալու ընթացակարգի սահմանում և այլն:
