ԵՐԵՎԱՆ, 21 դեկտեմբերի-Sputnik. ԻԻՀ նախագահ Հասան Ռոհանին վստահություն հայտնեց, որ Լեռնային Ղարաբաղի հակամարտությունը ռազմական լուծում չունի և պետք է կարգավորվի միայն խաղաղ ճանապարհով։
«Մեզ համար Հայաստանը և Ադրբեջանը բարեկամ երկրներ են, և հուսով ենք, որ ականատես կլինենք տարածաշրջանում կայուն խաղաղության հաստատմանը, իսկ դա բխում է տարածաշրջանային շահերից»,-ասաց Իրանի նախագահ Հասան Ռոհանին։
Հասան Ռոհանին նշեց նաև, որ ՀՀ նախագահի հետ քննարկումներ են ունեցել ահաբեկչության դեմ պայքարի վերաբերյալ։ ԻԻՀ նախագահն ասաց, որ Սիրիան և Իրաքը կանգնած են այդ խնդրի առջև, և անհրաժեշտ է փոխգործակցություն այս հարցում։
