ԵՐԵՎԱՆ, 21 դեկտեմբերի — Sputnik. «Մանչեսթեր Յունայթեդի» կիսապաշտպան Հենրիխ Մխիթարյանը Հայաստանում լավագույնն է ճանաչվել ՀՖՖ-ի գործկոմի, Բարձրագույն խմբի առաջնության թիմերի նախագահների, գլխավոր մարզիչների, ավագների և ԶԼՄ-ների ներկայացուցիչների քվեարկությամբ:
Նշենք, որ Մխիթարյանը Հայաստանի լավագույն ֆուտբոլիստ է ճանաչվում վեց անգամ անընդմեջ։
Երկրորդ տեղում է Գևորգ Ղազարյանը, երրորդում՝ Մարկոս Պիզելին, չորրորդում` Վարազդատ Հարոյանը, հինգում` Արտակ Գրիգորյանը:
Նշենք, որ անգլիական «Լիվերպուլի» գլխավոր մարզիչ Յուրգեն Կլոպը, որը Դորտմունդի «Բորուսիայում» աշխատելու տարիներին մարզել է Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանին, նախորդ տարի լույս տեսած իր «Կարդալով խաղը» գրքում գրել է.
«Ես չեմ կասկածում, որ Մխիթարյանը աշխարհի ամենատաղանդավոր ֆուտբոլիստներից մեկն է: Նա փայլուն կերպով միավորում է իր տեխնիկան և արագությունը: Շատ, շատ քիչ ֆուտբոլիստներ կան, որոնց մասին կարելի է նույնը ասել:
