ԵՐԵՎԱՆ, 20 դեկտեմբերի — Sputnik. Հայաստանում Ռուսաստանի Անվտանգության դաշնային ծառայության սահմանապահ վարչության աշխատակիցները հայ-իրանական սահմանին չորս կիլոգրամ թմրանյութ են հայտնաբերել։ Այս մասին հայտնում է վարչության մամուլի ծառայությունը։ «Սահմանին հարող տեղանքի զննման ընթացքում Մեղրիի սահմանապահ ջոկատի զինծառայողները սև փաթեթ են հայտնաբերել։
«Դեպքի վայր ժամանած օպերատիվ խումբը, նախազգուշական միջոցներ ձեռնարկելով, զննել է կապոցը և գտել մուգ դարչնագույն նյութերով 3 փաթեթ (ենթադրվում է` օփիում)` 4 կգ ընդհանուր զանգվածով», — հաղորդում է մամուլի ծառայությունը։
Օպերատիվ-հետախուզական և որոնական միջոցառումները` ծառայողական շան մասնակցությամբ, դրական արդյունք չեն տվել։
Կապոցը հայտնաբերելու մասին տեղեկացրել են Հայաստանի ուժային կառույցներին և Իրանի սահմանապահ գերատեսչության ներկայացուցիչներին Մամուլի ծառայության տվյալներով` ներկա պահին ռուս սահմանապահները հայ-իրանական սահմանին ուժեղացված ծառայություն են իրականացնում և հայ իրավապահների հետ միջոցներ ձեռնարկում չարագործներին գտնելու ուղղությամբ։
Նյութի ռուսերեն տարբերակը
