ԵՐԵՎԱՆ, 20 դեկտեմբերի-Sputnik, Արմենուհի Մխոյան. Այս անգամ ևս Գյումրու քաղաքապետը՝ գյումրեցի մանուկների հետ միասին, վառեց հայրաքաղաքի գլխավոր տոնածառի լույսերը, որին հետևեց հրավառությունն ու ուրախ երաժշտությունը՝ Գյումրու փողային նվագախմբի կատարմամբ:
Ճիշտ է՝ ցուրտը հաշվի առնելով, անցած տարիների նման երգ ու պար չկար, սակայն Ձմեռ պապի ու Ձյունանուշի պակաս էլ չկար, ինչպես ասում են գյումրեցիները՝ բոլորի ճաշակին ու գրպանին հարմար: Հավանաբար, եղանակի պատճառով Ձմեռ պապերը ճանապարհը շփոթել ու բոլորը Գյումրի էին եկել. եղանակը ճիշտ ու ճիշտ հայրենի Լապլանդիայի եղանակի նման է:
![Տոնական Գյումրին Տոնական Գյումրին - Sputnik Արմենիա](https://cdn.am.sputniknews.ru/img/585/71/5857148_59:0:1600:969_600x0_80_0_0_b09246a024c2c73b67d88dc311beb890.jpg)
![Տոնական Գյումրին Տոնական Գյումրին - Sputnik Արմենիա](https://cdn.am.sputniknews.ru/img/585/70/5857030_0:0:1430:900_600x0_80_0_0_016f628840141ad627cb58fa26a4f1ee.jpg)
![Տոնական Գյումրին Տոնական Գյումրին - Sputnik Արմենիա](https://cdn.am.sputniknews.ru/img/585/69/5856973_0:0:1430:900_600x0_80_0_0_ba67720706ff292878511b1c2a2e4dd1.jpg)
![Տոնական Գյումրին Տոնական Գյումրին - Sputnik Արմենիա](https://cdn.am.sputniknews.ru/img/585/67/5856726_0:0:1430:900_600x0_80_0_0_aea2168c9e137dc4da51434021bf453f.jpg)
![Дед мороз и снегурочка Дед мороз и снегурочка - Sputnik Արմենիա](https://cdn.am.sputniknews.ru/img/585/67/5856797_50:0:1481:900_600x0_80_0_0_7342ec5869044f4d71001f54dd7f2ab9.jpg)
![Տոնական Գյումրին Տոնական Գյումրին - Sputnik Արմենիա](https://cdn.am.sputniknews.ru/img/585/66/5856649_0:0:1430:900_600x0_80_0_0_f94af75622344434c5a9feb00bf36c2c.jpg)
![Праздничная иллюминация в Гюмри Праздничная иллюминация в Гюмри - Sputnik Արմենիա](https://cdn.am.sputniknews.ru/img/585/65/5856590_0:0:1430:900_600x0_80_0_0_684e899c698960bfe03d02afb1a4f791.jpg)
Հիշելով Հռոմի պապի այցը Գյումրի, գյումրեցին ավելացնում է՝ գյումրեցիների կյանքն ըսպես է. Ձմեռը ձմեռ պապ գուկա, ամառը՝ Հռոմի պապ:
Ուրախ տրամադրություն ու հաջորդ տարվա համար հույս ու հավատ ունի նաև Գյումրու քաղաքապետ Սամվել Բալասանյանը, որը Sputnik Արմենիային հավատացրեց՝ գալիք աքաղաղի տարում ամենալավ բաներն է սպասում:
«Վառ գույներ, ուրախություն, ժպիտ, վստահություն, որ մեր քաղաքը կառուցենք, լինի տուրիստական քաղաք, իսկ ամենակարևորը՝ նոր աշխատատեղեր ստեղծվեն»,-նշեց քաղաքապետը:
Հայրաքաղաքի ղեկավարի համար Ամանորն ամենասպասված տոներից մեկն է. «Ինձ համար ամանորը բերք ու բարիք է, լիություն ու ամենամեծ երջանկությունն է»:
Քաղաքապետի համար Գյումրին ամենասիրուն քաղաքն է՝ իր գեղեցիկ տոնածառով, թեև քաղաքապետը դեմ չէ, որ մայրաքաղաքի տոնածառը մի փոքր ավելի ճոխ լինի՝ ավելի շատ զարդարված:
«Բայց մենք էլ հետ չենք մնում»,-ավելացրեց քաղաքապետը՝ փաստելով, որ գյումրեցու վրա ոչ մի բան չի ազդում՝ ո՛չ ցուրտը, ո՛չ երկրաշարժը. գյումրեցին կա ու կլինի:
Սամվել Բալասանյանը նաև տեղեկացրեց, որ տոնական օրերն անցկացնելու է հայրաքաղաքում: