ԵՐԵՎԱՆ, 19 դեկտեմբերի — Sputnik. Թուրքիայում ՌԴ դեսպան Անդրեյ Կառլովի սպանությունից հետո Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Այս մասին հայտնում է CNN Turk-ը՝ հղում անելով Թուրքիայի նախագահի մամուլի ծառայությանը:
Տեղեկությունների համաձայն՝ հեռախոսազրույցի ընթացքում Էրդողանը ՌԴ նախագահին տեղեկություն է փոխանցել, որը նա ստացել է ռուս դեսպանի սպանությունից հետո:
Դեկտեմբերի 19-ին Անկարայում «Ռուսաստանը թուրքերի աչքերով» լուսանկարչական ցուցահանդեսի բացման ժամանակ զինված տղամարդը կրակել է դեսպանի վրա: Կառլովին ծանր վիճակում տեղափոխել են հիվանդանոց: Ավելի ուշ նա մահացել է: Կրակոցներ արձակած տղամարդը սպանվել է:
