10-րդ տեղ. «Առափնյա ծանծաղուտ»
Ռեժիսոր Խաումե Կոլետ-Սերայի կամերային դրամատիկ թրիլերը մեկուկես ժամ շարունակ ստիպում է էկրանին գամված մնալ: Սերֆինգով հետաքրքրվող գլխավոր հերոսուհու մասին պատմող Ֆիլմի հիմնական նկարահանումներն անցել են Լորդ-Հաու կղզու տարածքում, որը ներառվել է ՅՈՒՆԵՍԿO-ի համաշխարհային ժառանգության օբյեկտների ցուցակում: Սյուժեի համաձայն՝ ամերիկուհի Նենսին ժամանում է Մեքսիկա` «ալիք որսալու», որտեղ սերֆինգով էր զբաղվել նրա լուսահոգի մայրը: Սակայն հսկայական շնաձկան հետ հանդիպումն իսկական մղձավանջի է վերածում աղջկա դրախտային հանգիստը:
9-րդ տեղ. «Ամենքին՝ ըստ արժանվույն»
Ռեժիսոր Ռիչարդ Լինքլեյթերի ֆիլմը պատմում է Ջեյք անունով տղայի հանկարծակի փոխված կյանքի մասին. Ընդունվելով քոլեջ՝ նա տեղավորվում է հանրակացարան և ընկղմվում 1980-ականների ուսանողական կյանքի արատավոր հորձանուտում: Սեքսուալ հեղափոխություն, հարբած խնջույքներ, անքուն գիշերներ, թեթև թմրանյութեր, թանկարժեք հագուստ և լավագույն երաժշտություն` այս ամենը կյանքի իմաստ է թվում այնքան ժամանակ, քանի դեռ Ջեյքը չի բախվում սեփական անհոգության հետևանքներին:
8-րդ տեղ. «Լա-Լա Լենդ»
«Լա-Լա Լենդ» են անվանում ոչ միայն Լոս Անջելեսը, այլև երևակայական և երազանքների աշխարհի մեջ ընկղմվելով՝ դաժան իրականությունից հեռանալու երևույթը: Դեմիեն Շազելի նոր ֆիլմը, որն արժանացել է Վենետիկի «Ոսկե առյուծ» կինոփառատոնի մրցանակին, հենց այդ մասին է. պատանի Միան սուրճ է մատուցում կինոաստղերին` երազելով մի օր հայտնվել մեծ էկրաններին, իսկ տաղանդավոր ջազ երաժիշտ Սեբաստիանը ստիպված է բարերում օրվա հաց վաստակել: Սակայն ցանկալի հաջողության ճանապարհը կարող է փոխել նրանց վերաբերմունքը. կարո՞ղ է արդյոք սերն ավելի ուժեղ գտնվել, քան բաղձալի փառքը:
7-րդ տեղ. «Աշտարակ»
Ռեժիսոր Քիտ Մեյթլանդի վավերագրական ֆիլմը նվիրված է 1996 թվականի օգոստոսի 1-ին տեղի ունեցած սարսափելի իրադարձություններին: Այդ օրը դիպուկահարը բարձրացավ Տեխասի համալսարանի աշտարակի վերնահարկ ու կրակ բացեց: 96 րոպե շարունակ նա պատանդության մեջ պահեց համալսարանական քաղաքը: Երբ կրակոցները լռեցին, պարզվեց, որ 16 զոհ կա, ավելի քան 30 տուժած:
6-րդ տեղ. «Մանչեսթերը ծովի մոտ»
Քեննեթ Լոներգանի դրաման, որում հանես են գալիս Քեյսի Աֆլեքն ու Միշել Ուիլյամսը, պատմում է անհաջողակ Լիի պատմությունը, հասարակ սանտեխնիկ, որը ստիպված է վերադառնալ հարազատ քաղաք եղբոր հանկարծակի մահից հետո: Լիին նշանակում են դեռահաս զարմիկի խնամակալ, և նրանք երկուսով ստիպված են լինում բախվել իրենց ընտանիքի անցյալի տհաճ գաղտնիքներին:
5-րդ տեղ. «Լռություն»
Մարտին Սկորսեզեի նոր ֆիլմում աստղային մի քանի անուն է հնչում՝ Էնդրյու Հարֆիլդ, Ադամ Դրայվեր և Լիամ Նիսոն: Սյուժեի համաձայն՝ XVII դարում երկու եկեղեցական բռնության և հետապնդումների են ենթարկվել Ճապոնիայում ճանապարհորդելու ժամանակ: Նրանք Ճապոնիա էին մեկնել իրենց ուսուցչին գտնելու և տեղաբնակներին Ավետարանի մասին պատմելու համար:
4-րդ տեղ. «Նա»
Ռեժիսոր Փոլ Վերխովեի նկատմամբ հնարավոր չէ անտարբեր լինել. նրա և էքսցենտրիկ ու ցանկացած էքսպերիմենտի պատրաստ Իզաբել Յուպերի ստեղծագործական դաշինքը չէր կարող չգրավել հանդիսատեսի ուշադրությունը: Ֆիլմի գլխավոր հերոսուհին` Միշել Լեբլանը, տեսախաղերի մշակմամբ զբաղվող ընկերության 49-ամյա սեփականատեր է, հաջողակ կին: Մի անգամ նրա տուն է ներխուժում դիմակավորված մի մարդ, դաժան ծեծի ենթարկում և բռնաբարում կնոջը: Ավելի ուշ Միշելը հասկանում է, որ նրա նկատմամբ անհասկանալի ձգողականություն է զգում:
3-րդ տեղ. «Լավինգ»
ԱՄՆ-ում ստրկատիրությունը չեղյալ հայտարարեցին 1865 թվականին, սակայն ոչ վաղ անցյալում` 1967 թվականին, որոշ նահանգներում միջռասայական ամուսնություններն արգելվում էին օրենքով: Ֆիլմի համաշխարհային պրեմիերան կայացել է 2016 թվականի մայիսի 16-ին Կաննի փառատոնում: Ֆիլմը պատմում է Լավինգ ամուսինների մասին (նրանց մարմնավորել են Ջոել Էդգերտոնը և Ռուտ Նեգան), որոնց դատապարտում են միջռասայական ամուսնության համար:
2-րդ տեղ. «Պատերսոն»
Ջիմ Ջարմուշի նոր ժապավենը պատմում է Պատերսոն անունով վարորդի (Ադամ Դրայվեր) մասին, որն ապրում է Նյու Ջերսի նահանգի Պատերսոն քաղաքում: Ազատ ժամանակ նա բանաստեղծություններ է գրում սիրելի կնոջը` Լորային: Պատերսոնը առօրյա կյանքի գեղեցկությունը հաղորդում է բանաստեղծություններին և ամենուրեք պոետների հանդիպում: Պատերսոնը գրում է իր համար և գրածները տպագրելու մտադրություն էլ չունի, բայց մի փոքր իրադարձություն փոխում է նրա կյանքը:
1-ին տեղ. «Լուսնի լույսը»
Ռեժիսոր Բարի Ջենքինսի կինոպատմությունը, որը բաղկացած է երեք մասից պատմում է Խիրոն անունով աֆրոամերիկացու կյանքի մասին: Ընտանեկան անհաջողությունները, հասակակիցների հետ բախումներն ու ոչ ավանդական կողմնորոշման գիտակցումը, տարիների անդադար և տաժանակիր փնտրտուքները Խիրոնին ստիպում են ուղիներ գտնել սեփական եսն ընդունելու համար:
Օգտագործվել են filmpro.ru-ի նյութերը:
Նյութի ռուսերեն տարբերակը
