ԵՐԵՎԱՆ, 18 դեկտեմբերի — Sputnik. Ադրբեջանական կողմը ինքնաձիգերից, գնդացիրներից և դիպուկահար հրացաններից հայկական դիրքերի ուղղությամբ արձակել է ավելի քան 400 կրակոց: Այս մասին հայտնում է ԼՂՀ պաշտպանության բանակի մամուլի ծառայությունը:
ՊԲ առաջապահ ստորաբաժանումները, հիմնականում ձեռնպահ մնալով պատասխան գործողություններից, շարունակել են առաջնագծի ողջ երկայնքով պահպանել զգոնությունը և վստահորեն իրականացնել իրենց առջև դրված մարտական խնդիրները:
Նշենք, որ նախօրեին հակառակորդն առաջնագծի տարբեր հատվածներում հրադադարի պահպանման ռեժիմը կրկին խախտել է մոտ երեք տասնյակ անգամ՝ հիմնականում կիրառելով ինքնաձիգեր և գնդացիրներ (շուրջ 350 կրակոց):
