ԵՐԵՎԱՆ, 17 դեկտեմբերի — Sputnik. Թուրքիայի Կեյսերի քաղաքում ահաբեկչության հետևանքով մահացել է 13 զինվորական, ևս 48-ը տարբեր աստիճանի մարմնական վնասվածքներ են ստացել: Բոլոր տուժածներին տեղափոխել են հիվանդանոցներ, հաղորդում է Hurriyet հրատարակությունը:
Դեկտեմբերի 17-ի առավոտյան թուրքական Կայսերի քաղաքում պայթել է պայթուցիկ սարքերով լցված մի ավտոմեքենա:
Ականապատ ավտոմեքենան պայթել է Էրջիես համալսարանի մոտ գտնվող կանգառում այն պահին, երբ մեքենային է մոտեցել զինվորականներ տեղափոխող ավտոբուսը:
Երկրի վարչապետ Բինալի Յըլդըրդըմը հաղորդել է, որ Կեյսերիում ահաբեկչությունը կատարել է մահապարտ-ահաբեկիչը, իսկ Թուրքիայի փոխվարչապետ Վեյսել Կայնակը հայտարարել է, որ պայթյունները նման են Ստամբուլում կատարված ահաբեկչական գործողություններին:
Երկրի նախագահ Ռեջեփ Թայիփ Էրդողանը Կեյսերիում իրագործված ահաբեկչական գործողության մեջ մեղադրել է Քրդստանի բանվորական կուսակցությանը, որի գործունեությունն արգելված է Թուրքիայում: Կեյսերիում տեղի ունեցած պայթյունից հետո 7 մարդ է ձերբակալվել, հաղորդում է ՌԻԱ Նովոստին:
Նյութի ռուսերեն տարբերակը
