ԵՐԵՎԱՆ, 17 դեկտեմբերի — Sputnik. Հռոմի պապը դարձավ 80 տարեկան: Սրբազան քահանայապետը Սուրբ Պետրոսի հրապարակից ութ անօթևանի էր հրավիրել տոնական նախաճաշի: Այս մասին հայտնում է Վատիկանի մամուլի ծառայությունը:
Ամենալիբերալ պապի հյուրերին առաջարկել են ավանդական արգենտինական քաղցրավենիք, քանի որ Ֆրացիսկոսը, ինչպես հայտնի է, ծնունդով այդ երկրից է: Տոնակատարությունից հետո կաթոլիկ եկեղեցու առաջնորդը պատարագ է մատուցել կարդինալների հետ և աղոթել մատուռում:
Ինչպես հաղորդում է Վատիկանի մամուլի ծառայությունը, Ֆրացիսկոս պապն արդեն ավելի քան 50 հազար շնորհավորանք է ստացել ողջ աշխարհից:
Հիշեցնենք, որ 2016 թվականի հունիսին Ֆրացիսկոսը եռօրյա այցով Հայաստան էր ժամանել: Այցի ընթացքում նա եղել էր հայկական եկեղեցիներում, պատարագներ մատուցել, այցելել Գյումրի:
2015 թվականի ապրիլի 12-ին Հռոմի պապը Վատիկանի Սուրբ Պետրոս տաճարում Հայոց ցեղասպանության զոհերի հիշատակին նվիրված պատարագ է մատուցել և 1915 թվականի իրադարձությունները որակել «ցեղասպանություն»:
Նյութի ռուսերեն տարբերակը
