Ելույթի ընթացքում նա անդրադարձել է իր հոդվածներից մեկին, որտեղ նշել էր՝ Հայաստանի բոլոր չարիքների հիմքը, զանգվածային արտագաղթի, ապօրինի ընտրությունների, արդարադատության չգոյության արմատը կոռուպցիան է, պետական պաշտոնյաների կողմից ազգային հարստության համատարած ու անհոգ թալանը:
Տեր-Պետրոսյանի խոսքով՝ սա միայն այսբերգի տեսանելի մասն է, իսկ անտեսանելին 98 թվականից ի վեր որդեգրած քաղաքական փիլիսոփայությունն է:
ՀՀ առաջին նախագահն անդրադարձել է նաև Լեռնային Ղարաբաղի թեմային և հակամարտության կարգավորման հանգուցալուծմանը:
«Լեռնային Ղարաբաղյան հարցի լուծման այլ տարբերակ չկա, քան փուլայինը, մինչդեռ բանակցությունների սեղանին դրված է փաթեթային տարբերակ»,- ասել է Տեր-Պետրոսյանը:
Ըստ նրա՝ երբ Ղարաբաղյան հարցը լուծվի, այդ ժամանակ հայ-թուրքական հարաբերությունները կկարգավորվեն ինքնաբերաբար՝ հաջորդ իսկ օրը:
Նշենք, որ Լևոն Տեր-Պետրոսյանը համագումարին ժամանել էր թոռնուհու ուղեկցությամբ:
