Արթուր Ալեքսանյանը՝ հայուհի կնոջ և ապագայի մասին

-Արթուր, ի՞նչ եք մտածում խառը մարտարվեստների մասին և հետևո՞ւմ եք արդյոք այդ մարզաձևի մրցումներին: Լսե՞լ եք Գեղարդ Մուսասիի և այլ հայ մարզիկների մասին: (Ալեքսանդր Կարաբաբյան):

— Անկեղծ ասած՝ չեմ հետևում, բայց Գեղարդ Մուսասիի մասին լսել եմ, գիտեմ, որ նա շատ ուժեղ մարզիկ է, հպարտանում եմ, որ այդ մարզաձևում մենք նման բարձր մակարրդակի մարզիկ ունենք:

-Արթուր, ես 9 տարեկան եմ և սիրում եմ ուժային մարզաձևերը: Ցանկանում եմ Ձեր նման ուժեղ լինել: Ո՞րն է Ձեր հաջողության գաղտնիքը: (HovPetrosyan)

— Նպատակասլացությունը և աշխատասիրությունը:

-Արթուր ջան, բարև: Ինչպե՞ս եք անցկացնում Ձեր ազատ ժամանակը, ինչո՞վ եք զբաղվում: Ի՞նչ հոբբի ունեք: Նաև անձնական հարց. Ձեզ համար կարևո՞ր է, որ Ձեր ընտրյալը հայուհի լինի: (Նժդեհ Խաչատրյան)

— Ազատ ժամանակս սիրում եմ անցկացնել ընկերներիս հետ: Այո, ինձ համար կարևոր է, որ իմ ապագա կինը հայ լինի:

-Արթուր, որտեղի՞ց է առաջացել Ձեր «Սպիտակ արջ» մականունը: (Կարեն Ավետիսյան)

— Ինձ այդպես անվանել է սպորտային մեկնաբան Կարեն Գիլոյանը:

-Արթուր, սիրո՞ւմ եք ֆուտբոլ և եթե այո, ապա ո՞ր թիմին եք երկրպագում: (Սլավա Սարգսյան)

— Ֆուտբոլ սիրում եմ: Եվ ոչ միայն դիտել եմ սիրում, այլև՝ խաղալ:

-Արթուր, ցանկանում եմ շնորհակալություն հայտնել Ձեզ օլիմպիադայում հաղթանակի համար և մաղթել Ձեզ նորանոր հաջողություններ: (Լենոչկա Գևորգյան)

— Շնորհակալություն:

- Բարև Ձեզ, սիրելի Արթուր: Ունե՞ք ծրագրեր և մտահաղացումներ, որոնք կապված չեն սպորտի հետ: Եթե չեմ սխալվում, Դուք սովորում եք համալսարանում: Ինչո՞վ եք զբաղվելու, երբ թողնեք մեծ սպորտը: Դուք կուզեի՞ք, որ Ձեր երեխաները նույնպես զբաղվեն ըմբշամարտով:

— Ես արդեն ավարտել եմ համալսարանը: Այո, դեմ չէի լինի, եթե իմ երեխաները զբաղվեին սպորտով:

-Ինչո՞վ եք զբաղվելու մարզական կարիերայի ավարտից հետո: Ինչի՞ մասին եք երազում (Գագիկ Հովհաննիսյան)

— Դեռ չեմ որոշել:

-Քանի՞ ժամ են տևում Ձեր մարզումները (Գևորգ Ջումհուրյան)

— Հավաքների ժամանակ մարզվում եմ օրական 5-6 ժամ:

-Թալիսման ունե՞ք: Ո՞վ կամ ի՞նչն է օգնում Ձեզ բարդ իրավիճակում որոշում կայացնելիս:

— Եթե պարանոցից կախված խաչը կարելի է համարել թալիսման, ապա խաչն իմ թալիսմանն է: Իսկ դժվար պահերին ինձ օգնում է իմ մարզիչը, նրա օգնությամբ ես ելք եմ գտնում ցանկացած իրավիճակից:

-18 տարին ու՞շ է ըմբշամարտով զբաղվելու համար, հնարավո՞ր է հաջողության հասնել այդ տարիքում սկսելու դեպքում: Որտե՞ղ խորհուրդ կտաք մարզվել Երևանում, հատկապես ո՞ր սրահում (Գևորգ Ջումհուրյան):

— Կարծում եմ, որ 18 տարեկանն ուշ է, եթե, իհարկե, ցանկանում եք հասնել լավ արդյունքների: Բայց պատմության մեջ լինում նաև բացառություններ:

-Արթուր, ինչպե՞ս եք վերաբերվում նոր կանոններին, որոնք չեղյալ են հայտարարում պարտերում մարտը: Այս տարի հանդես գալու՞ եք ինչ-որ մրցույթում (Վան Հայրապետյան)

— Դեռ չեմ մասնակցել նոր կանոններով մրցաշարերի, բայց կարծում եմ, որ նախկին կանոններն ավելի լավն էին: Այս տարի միայն հավաքների եմ մասնակցելու:

-Վերջերս Հայաստանում մի քանի խոշոր մրցումներ անցակցվեցին, օրինակ՝ Հայաստանի առաջնությունը, Գյումրիի մրցաշարը: Երիտասարդ ըմբիշներից ու՞մ կնշեիք, նրանցից ո՞վ կարող է ապագայում հաջողությունների հասնել: (Վան Հայրապետյան)

— Դիտել եմ Հայաստանի առաջնության մենամարտերը: Այո, մենք ունենք երիտասարդ, հեռանկարային ըմբիշներ:

-Լևոն Ջուլֆալակյանը հայտարարել է, որ Ռոման Ամոյանն այլևս չի լինելու հավաքականում: Ի՞նչ եք կարծուք, կանդրադառնա՞ արդյոք Ամոյանի բացակայությունը, նրա փոխարեն կա՞ ինչ-որ մեկը: (Վան Հայրապետյան)

— Առայժմ Ռոման Ամոյանի նման հարուստ փորձ ունեցող ըմբիշ չկա: Բայց կա երիտասարդ, լավ մարզիկ, որը ժամանակի հետ կարող է փոխարինել նրան:

-Երբ ես դիտում էի Ձեր մարզումների տեսանյութը, հասկացա, որ պայմանները, մեղծ ասած, լավը չեն: Ի՞նչ եք կարծում, եթե նոր մարզասրահ բացեն, դա ինչ-որ բան կփոխի՞, արդյունքները կբարելավվե՞ն: (Ամրամ Փայտյան)

— Մեզ խոստացել են, որ 2017թ-ի գարնանը կսկսվեն վերանորոգման աշխատանքները (մարզասրահի, խմբ.):

Նյութի ռուսերեն տարբերակը