ԵՐԵՎԱՆ, 16 դեկտեմբերի — Sputnik. ՀՀ ոստիկանությունն առավոտյան ահազանգ է ստացել այն մասին, որ Սարյան 8-10 հասցեների միջնամասում ձայներ են գալիս, և կա գողություն կատարելու կասկած:
Այժմ դեպքի վայրում են ոստիկանները: Հարուցվել է քրեական գործ, դեպքի վայրում են նաև Քննչական կոմիտեի քննիչները:
Քննչական կոմիտեն հայտնում է, որ եղել է երկու դեպք, մեկը՝ Արաբկիրում, որտեղ արձանագրվել է հափշտակության փորձ, մյուսը՝ Կենտրոնում, որտեղ ըստ նախնական տվյալների՝ կարողացել են գումար տանել:
Որոշ տեղեկություններով՝ Սարյան փողոցի վրա գտնվող «Ակբա Կրեդիտ» բանկին պատկանող բանկոմատից տարել են մոտ 7.5 մլն դրամ, սակայն չեն հասցրել տանել այնտեղ մնացած 3 մլն դրամը։
Ոստիկանության հասարակության հետ կապերի վարչության պետ Աշոտ Ահարոնյանը Sputnik Արմենիային հայտնեց, որ դեպքի վերաբերյալ մանրամասներ կհայտնեն ավելի ուշ:
