ԵՐԵՎԱՆ, 16 դեկտեմբերի — Sputnik. Դոնալդ Թրամփը թույլատրել էր, որ Ադրբեջանի տրանսպորտի նախարարի որդին՝ Անար Մամադովը, հյուրանոցն անվանի «Trump Hotel» պայմանով, որ իրեն հյուրանոցի սեփականատերը տարեկան կվճարի 2.5 մլն դոլար։
Առաջին տարվա վճարը Թրամփը ստացել էր, չնայած հյուրանոցը դեռ չէր բացվել։ Այսօր Թրամփի աշխատակազմը հայտարարել է, որ պայմանագիրը խզվել է «housecleaning»-ի (տան մաքրման աշխատանքներ) շրջանակներում։
«Հիշեցնեմ, սա Թրամփին Ադրբեջանի հետ կապող միակ բիզնեսն էր, չնայած տարածված «Թրամփն ադրբեջանամետ է» տեսությանը։ Ի դեպ, այստեղ Իվանկա Թրամփն էլ մտածելու բան ունի, քանի որ՝ որպես ընտանիքի ներկայացուցիչ Մամադովը հենց իրեն էր հրավիրել ծանոթանալու հյուրանոցի շինարարական աշխատանքների վերջին փուլին»,- գրել է Սուրեն Սարգսյանը։
