Առողջապահության փոխնախարար Սերգեյ Խաչատրյանը Sputnik Արմենիային հայտնեց, որ սեռերի անհամամասնության նվազել է, այն այժմ կազմում է 108 տղա 100 աղջկա դիմաց` 2014թ.-ի 115-100 և 2015թ. 113-100-ի դիմաց:
«Այս ցուցանիշը համապատասխանում է միջազգային նորմերին: Մենք դրան հասել ենք համատեղ աշխատանքի շնորհիվ, ԵՄ ֆինանսավորմամբ լրջագույն ծրագրեր են իրականացվել մարզերում: Հիմա պետք է ամեն ինչ անենք, որ այս ամենը պահպանենք, ինչպես նաև հետագայում այդ ցուցանիշը հավասարեցնենք»,- ասաց Սերգեյ Խաչատրյանը:
Փոխնախարարն ասաց, որ դրական ցուցանիշներ են արձանագրվել նաև անպտղության նվազեցման ուղղությամբ: Մասնավորապես, նվազել է երկրորդային անպտղությունը, ինչը հիմնականում կապված է արհեստական ընդհատումների հետ:
Սերգեյ Խաչատրյանը նաև նշեց, որ կանոնակարգվել է փոխնակ մայրերի մասին օրենսդրական դաշտը, հստակեցվել են շատ դրույթներ, որոնք վերաբերում են նրան, թե երբ, որ դեպքում և ինչպիսի իրավիճակում կարող է կինը փոխնակ մայր լինել։
