ԱԴԾ հաղորդագրության համաձայն՝ գրոհայիններն ահաբեկչական հարձակումները պատրաստվում էին իրագործել «Իսլամական պետության»՝ Թուրքիայում գտնվող ղեկավարներից մեկի ուղիղ հրահանգով:
«Դիվերսիոն-ահաբեկչական խմբում Տաջիկստանի և Մոլդովայի քաղաքացիներ են ներգրավված եղել, որոնք ծրագրել էին մեծ հզորությամբ ինքնաշեն պայթուցիկների կիրառմամբ մի շարք ահաբեկչական գործողություններ իրականացնել»,- նշված է հաղորդագրությունում։
Անվտանգության դաշնային ծառայության տվյալներով` Մոսկվայում ձերբակալվել է 4 մարդ։ Նրանց տանն իրականացված խուզարկության ընթացքում հայտնաբերվել են ինքնաշեն պայթուցիկ սարքեր, հրազենային զենք, ինչպես նաև «պայթուցիկ սարքի զգալի քանակություն` մեծ հզորությամբ պայթուցիկ սարք պատրաստելու համար»։
