ԵՐԵՎԱՆ, 15 դեկտեմբերի — Sputnik. Վարչապետը կարծում է, որ հանրության բարձրացրած խնդիրները՝ գրությունների տեսքով, գերատեսչությունների կողմից հասկանալի պատասխան չեն ստանում։
«Երբեմն ստացվում են գրեթե ոչինչ չասող, անդեմ գրություններ, հատկապես, եթե դրանք վերաբերում են կոնկրետ գերատեսչության ոլորտում կոնկրետ ծրագրերի կամ բյուջետային ծախսերի ավելացմանը»,- ասաց վարչապետը։
Կարեն Կարապետյանը կարծում է, որ լուծման համար անհրաժեշտ է առարկայական միջամտություն, հետևաբար, նա կառավարության աշխատակազմի ղեկավար-նախարար Դավիթ Հարությունյանին առաջարկեց հետևել հանձնարարականի ընթացքին։
