Հակոբ Հակոբյան
Նոր տարվան ընդառաջ սննդամթերքի գների բարձրացումն, ըստ ԱԺ սոցիալական հարցերի հանձնաժողովի նախագահ Հակոբ Հակոբյանի, օրինաչափ է և շուկայի թելադրանքն է:
«Մեզանում գները դեկտեմբերին միշտ բարձրացել են: Դա էլ է օրինաչափ, որովհետև սպառումը շատանում է, և գինը բարձրացնում է: Շատ երկրներում սպառումը շատանում է, գինը իջնում է, իսկ մեզ մոտ դեկտեմբերին սպառումը շատանում է, իսկ մնացած 11 ամիսներին քիչ է»,- ասաց Հակոբ Հակոբյանը:
Այդուհանդերձ, պատգամավորի համոզմամբ մսամթերքի գները չեն աճի, որովհետև արտադրվող մսամթերքի ծավալները բավարարում են անգամ նախատոնական պահանջարկը:
