ԵՐԵՎԱՆ, 14 դեկտեմբերի — Sputnik. Հանրապետության տարածքում ավտոճանապարհները հիմնականում անցանելի են։ Այս մասին տեղեկացնում է ՀՀ ԱԻՆ լրատվական ծառայությունը։
Փակ են Վարդենյաց լեռնանցքը և Ամասիա-Գյումրի, Գյումրի-Բավրա ավտոճանապարհները:
Դժվարանցանելի են Դիլիջանի, Տիգրանաշենի (Քյարքի) ոլորանները, Ջաջուռ-Լուսաղբյուր, Սոթք-Քարվաճառ, Վանաձոր-Գյումրի և Արթիկի, Ախուրյանի տարածաշրջանների, Կոտայքի մարզի գրեթե բոլոր ավտոճանապարհները:
Սարավան-Զանգեր ավտոճանապարհին տեղ-տեղ առկա է մերկասառույց:
Տավուշի, Արագածոտնի, Արարատի, Կոտայքի, Արմավիրի, Գեղարքունիքի մարզերում, Վայոց ձորի մարզի Ջերմուկ քաղաքում, Ելփինի ոլորաններին, Սյունիքի մարզի Սիսիան, Լոռու մարզի Սպիտակ, Տաշիր, Վանաձոր, Ստեփանավան, Շիրակի մարզի Գյումրի, Արթիկ, Մարալիկ քաղաքներում, Աշոցք-Ամասիա, Սիսիան-«Զանգեր» ավտոճանապարհահատվածներին առկա են տեղումներ ձյան տեսքով:
Արարատի մարզում տեղում է թույլ ձյուն: Շիրակի մարզի Աշոցքի և Ամասիայի տարածաշրջաններում բուք է:
Սարավան-Զանգեր, Գորիս-Կապան ավտոճանապարհներին և Չայնիի ոլորաններին մառախուղ է:
Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար:
