ԵՐԵՎԱՆ, 14 դետեմբերի — Sputnik. Ռուսաստանի արտակարգ իրավիճակների նախարար Վլադիմիր Պուչկովը ցավակցություն է հայտնել Հայաստանի ԱԻՆ կոլեկտիվին, Արմեն Երիցյանի հարազատներին և մտերիմներին` նախարարի մահվան կապակցությամբ, հաղորդել է Ռուսաստանի ԱԻՆ մամուլի ծառայությունը։
«Կյանքից հեռացել է Ռուսաստանի մեծ ընկերը, որը մեծ հարգանքի էր արժանացել արտակարգ պատահարների կանխման և վերացման ոլորտում միջազգային համագործակցության զարգացման հարցում, նա հայ-ռուսական հումանիտար արձագանքման կենտրոնի հիմնադիրներից մեկն էր։ Ռուսաստանի ԱԻՆ ամբողջ կոլեկտիվի և իմ անունից ցավակցում եմ այդ անդառնալի կորստի համար»,- գրված է ցավակցական հեռագրում։
Վերջին մեկուկես տարվա ընթացքում Պուչկովը բազմիցս հանդիպել է Երիցյանի հետ Մոսկվայում և Երևանում ու քննարկել համագործակցության հարցերն արտակարգ իրավիճակների կանխման և վերացման ոլորտում։
Արմեն Երիցյանը մահացել է դեկտեմբերի 13-ին՝ 55 տարեկան հասակում, երկարատև, ծանր, երկարատև հիվանդությունից հետո։
