Ըստ պատգամավորի` այս գործարքի իրականություն դառնալու պարագայում Հայաստանն էներգակիրների մասով ամբողջովին կախվածության մեջ կընկնի Ադրբեջանից։ Դա ձեռնտու չէ նաև Ռուսաստանին, որովհետև Ռուսաստանը տարածաշրջանում գազ արտահանող պետություն է։
«Եվ եթե «SOCAR»-ը տիրապետի այդ գազամուղին, ապա Ադրբեջանը կփորձի իր մոնոպոլ դիրքն օգտագործել ու դառնալ գլխավոր ու միակ մատակարարը տարածաշրջանում։ Ադրբեջանը սա կարող է օգտագործել նաև քաղաքական նպատակներով, որը էապես կհարվածի Ռուսաստանի տնտեսական շահերին։ Այսինքն`«SOCAR»-ը կփորձի խափանել Հայաստանի գազի մատակարարումը, ինչի արդյունքում կտուժի հենց «Գազպրոմը»»,-ասում է Շիրակ Թորոսյանը։
Պատգամավորի կարծիքով` Իրանը ևս դժգոհ կլինի, եթե Ադրբեջանը տիրապետի այդ գազամուղին։ Որովհետև այդ երկիրը Իրան —Հայաստան գազամուղով հնարավորություն ունի գազ արտահանելու Վրաստան և ամբողջ տարածաշրջան։ «SOCAR»-ի տիրապետության պայմաններում այդ հեռանկարը կվտանգվի։
